Showing posts with label Bebas Shayari. Show all posts
Showing posts with label Bebas Shayari. Show all posts

Roshni Ki Dhaar Par Rakhi Kahani Aur Dukh

      , , , , , , , , , ,       No comments    
Roshni Ki Dhaar Par Rakhi Kahani Aur Dukh
Aankh Se Behta Hua Khamosh Pani Aur Dukh

Mere Kamray Main Usi Tarteeb Se Rakhe Hue Phool
Khat, Waday, Dilasay, Ek Jawani Aur Dukh

Ek Dusre Se Bichar Kar Umar Bhar Rote Rahe
Raat, Sehra, Khushk Pattay, Ek Raani Aur Dukh

Ab Mere Lafzon Main Wo Pehli Si Kaifiyat Nahi
Daal Ab Jholi Main Teri Maherbani, Aur Dukh

Raat Sehra Main Kisi Ne Baansuri Ki Nok Par
Rakh Di Phir Roti Hui Yaadein Purani Aur Dukh...

Blogger: Waqas Ali
Share:

Kabhi Khamosh Betho Ge Kabhi Kuch Gungunao

      , , , , , , , ,       No comments    
Kabhi Khamosh Betho Ge Kabhi Kuch Gungunao Ge
Main Utna Yad Aunga Mujhe Jitna Bhulao Ge

Koi Jab Pooch Bethe Ga Khamoshi Ki Waja Tum Se
Bohat Samjhana Chaho Ge Magar Samjha Na Pao Ge

Kabhi Duniya Mukammal Ban K Aegi Nigahon Me
Kabhi Meri Kami Duniya Ki Har Shay Me Pao Ge

Kahin Par Bhi Rahen Hum Tum Mohabbat Phir Mohabbat Hai
Tumhe Hum Yaad Aenge Humain Tum Yaad Ao Ge...

Submitted By: Asad Junaid Sagar
Share:
Copyright © Stylish DP Girls | Powered by Blogger