Kyun ye jazbaat marne lagtay hain
Jin pe hum jan kabhi detay thy
Kyun wo anjaan lagnay lagtay hain
Har us aadat pe humko ranjish ho
Kabhi jin aadton pe martay thy
Baat har ek wohi puraani ha
Phir kyun lehjay naye naye se hain
Samnay hain sabhi wohi manzar
Kyun faraq sab dikhai deta hay
Kabhi socha k raaz kya is main
Kabhi socha k kyun ye hota ha
Kyun taluq ye bojh bantay hain
Kyun mohabbat ye rog lagti hay
Wo jo gulzaar ban k miltay thy
Ab kyun bezaar ho k jeetay hain
Haan mohabbat hi roop badlay ha
Ye taluq hi, dhang badlay hay
Jaisay bin istamal shay koi
Apna rung ya huliya badlay hai
Jaise dheemak c isko kha jaye
Bad shakal, daghdar ho jaye
Koi phal daar pairr bhi jaise
Be dheyani se sookh sa jaye
Yahi kuch haal ha mohabbat ka
Ye bhi har dam khyal chahti ha
Hum na iska khyal rakhain tou
Apnay andar hi mar c jaati hai
Lagy kaai zada c shay hay koi
Dekhna bhi jissay muhaal lagy
Bari be-rung c dikhai de
Jaisay ek boo c is main parr jaye
Zara afsos se isay dekhain
Phaink dain phir isay hamesha ko
Humain ehsaas bhi na ho paaye
Aur sab haath se nikal jaye
Jaisay sheesha kabhi na jurr paye
Waqat bhi loat kar nahi aye
So ye ab faisla tumhara ha
Is ko rakhna ha ya ganwana ha
Jaisay machli ko jal zaroori ha
Is mohabbat ko dil zaroori hay
Ye sirf zinda dil main reh paye
Ghum sabhi saath mil k seh jaye
Par jo dil se isay nikalo ge
Tum se ye intaqam bhi le gi
Isko bhulo ge ye bhulaye gi
Isko maaro ge maar daly gi
-Atbaf Abrak
0 comments:
Post a Comment