Ab khalqat mujh se poochay

Ab khalqat mujh se poochay hay tumhain kaise sari baat mili
kis asam ka tum ne wird kia, jub tumko hateli raat mili

Kya dhoop bhari dopehron ki be-dard hawayen kuch bhi na thin
Tum ujli kachi kaliyon c kya subha tumhain soghaat mili

Wohi gajray sachi chahaht k, wohi bikhra roop suhagan ka
Na kacha rang tha anchal ka, na rastay main barasat mili

Milna to apnay aap se bhi is nagri main asan na tha
Tum kon se dard tak ja pohnchin tumhain raaz milay  tumhain ghaat mili

Ye hansti basti tanhai jisay shehar-e-nijat-e-zaat kahain
Kis dard ne tumko dikhlai kis zakham se kis k haath mili

Tum aiyno ko daan karo kabhi deep naya kabhi roop naya
Wo sab ankhon main ek c thi jo tasveer-e-halat mili

Kahin phool bhi hain kashkol Ada kahin kaanta jee ko lag jaye
Wo denay wala janay hay ya kis ko kya oqat mili

-Ada Jafri