Atbaf abrak poetry hay yaad kya

Hay yaad kya, ek mughalta hay
Guzari jis main ye zindagi hay

Hay yaad koi nasha purana
Jo rafta rafta mita raha hay

Hay yaad zalim, ajeeb wahma
Na hay, magar sab dikha rahi hay

Ye yaad goya hay bhool esi
K bhool k bhi na bhool paye

Hay yaad khoya sa ajnabi wo
K jis se wabsta har khushi hay

Ye yaad hay ya koi khilona
K jee hamara behal raha hay

Ye yaad jungle ki aag jesi
Bujhao jitni ye barhti jaye

Ye yaad jaisay sarab koi
Hay jis k taqub main zindagi ye

Ye yaad umron ki qaid esi
Sayad khud jiski qaid main hay

Hay yaad meethi c neend aisi
K khawab tootay hain roz jiske

Hay yaad sochon ka deep aisa
Jlaaye zyada, day roshni kam

Ye yaad goya hay ek samundar
Palat saka hay na koi darya

Hay yaad mushkil elaaj esa
Jo ek naya dard roz deta

Hay yaad bheega sa ek mousam
Jo ankh main hi thehar gaya hay

Hay yaad zalim hissar goya
K jis k bahir na zindagi hay

Wo yaad meri zara alag thi
Usay alag main basa chuka hoon

Wo yaad aisa haseen lamha
Jo har lamhe main mila chuka hoon

Goya yaad khatt naam zindagi k
Main janay kab ka jala chuka hoon

Hay yaad aisa jawab koi
Sawal jiska ghuma chuka hoon

Ho yaad koi ya zindagi ho
Main qehqon main urra chuka hoon

-Atbaf Abrak